أعتذار كامل للأخت Bira العظيمة
انا أسف :)
من كام يوم وانا بقول عليكي بطة بلدي ومش عايزة تجري وكل ما أدوس بنزين ماحسش اني باتنطر في الكرسي زي زمان
واحد صاحبي جاب الفيرنا التالتة ..... العربية الفيرنا رقم 3 يجيبها
أتقلب بـــ 2 قبل كدة .... ماتستغربوش :waaaht:
هو سواق كويس بس الفيرنا ماتنفعوش
أخر حادثة جايبة من عالدائري مقلوب بعد ما خد غرزة قطم بين 2 نقل فالعربية عومت لبس في السور الخرساني
ما علينا ... هو جاب فيرنا تاني عن أقتناع تام انها عربية طيارة
قالي أطلع أجرب معاه عشان انا ظبطه زمان لما كنت لسة مظبط العربية
انا عربيتي في حالة يرثي لها فعلا ... أو ده كان أحساسي
طلعنا نجرب
هو أول كان بيفرك وانا مفركتش ولا عملت أي صوت خالص
و كان طلع بتاع نص عربية !
فجأة العربية أتحولت وسمعت صوت الفلتر أتحول وبقي عايز يفتح حتة في الكبوت عشان يشفط هوا أكتر !
خلصت الأول جنبه
تاني سبقته بعربية كاملة
تالت كنت فارق بتاع 3 عربيات
رابع كنت سيبته خالص وأديت أنتظار قدام ... كنت 180
الصراحة حسيت اني ظالمها شوية
هي فعلا مش زي زمان وبقت فيها خنقة
وطبعا الفرامل في السكلانس والمساعدين والمقصات في الكرنب